Lide toujou ap rele lòt. Yo fè l nan fason pa yo—pa tankou timoun ki pike tèt yo atè ap gade pa dèyè nan fant de janm kanbral, epi manman yo kouri dèyè yo, di yo se byen yo twò byen ki fè yo kapab ap rele lòt la. Lè on lide ap dewoule nan tèt ou, se on plezi pou ou ap rennen on seri lòt li de ki mache avèk li, k ap di ou ‘Pran m! Pran m!’ Lè lide rele lòt, se on gwo benediksyon pou on moun k ap reflechi, men fò ou gen disiplin pou ou pa kite wout ou…
Lè m t ap travay sou ‘Tout moun se moun…’ semenn pase a, anpil lide t ap pase nan tèt mwen Continue reading “M pa kanmarad ou!” »
M pa chonje ki kote m tande pawòl la—m vle di sou kilès nan diferan radyo ayisyen m abitye tande sou entènèt la, osnon anba ki bouch m pran l bò isit la. ‘Bonjou Entèl pa laverite’, se on pawòl m konnen lontan—m pa menm ka chonje depi ki lè m konnen l: kidonk m te toujou konnen l. Se on pawòl ki klè pou mwen, ki pa gen ni de ni twa sans nan tèt mwen: on sèl la: moun sa a se on moun pa gen okenn pawòl ki sot nan bouch li ki laverite. Li bay manti pou dan ri. Bay manti se metye l. Li malad. Kidonk se tè ki pou geri l—ak maladi bay manti a! Continue reading “Bonjou ‘Entèl’ pa Laverite!” »
Lòtrejou, etan m kanpe nan on ling machin nan yon estasyon gazolin, on kote gaz la on ti jan mwen chè pase lòt kote yo, ap tann tou pa m pou m foul tank mwen, m tande 2 sitwayen ki pèdi nan on kòmantè sou aktyalite nouvèl Ayiti. Ou ta di se on rezime nouvèl semenn lan mesye yo t ap bay. Koze ki te plis atire atansyon m, se lè yo te vin ap pale de ansyen direktè ONA a, Msye Sandwo Jozèf, k ap dòmi leve nan prizon depi kèk tan. Continue reading “Bwè dlo, respekte vè!” »
M konn tande reklam sou radyo ann Ayiti pou on pwodui yo rele Idòl. Nan youn nan reklam yo, on dam di:
Idòl fè m bèl, li fè m klè. Bref, li fè m pwòp.
Nan yon lòt reklam, gen on nèg ki di:
Si m di chanpou, savon, benduil, krèm Idòl, se bagay ki sot ann Ewòp, donk yo pa ka pa bon. Èske se djòlè?
Gen de kwa pou nou reflechi.
- Nou ka wè ‘fè m klè’ tankou on pawòl ki vin kore ‘fè m bèl Continue reading “Reklam Idòl” »
Anpil moun ki ret Pòtoprens pa moun Pòtoprens. Menm gen on pawòl ki ta vle fè kwè pa gen moun Pòtoprens, konmkwa tout moun Pòtoprens se ta moun vini. Men lè moun vini fè pitit on kote, timoun sa yo pa gen ni de ni twa peyi: kote yo kale a, se la yo moun. Se pou sa k fè nou gen peyi manman nou, peyi papa nou. Premye sans mo peyi a pou nou, se sans kote lonbrit nou antere, kote demanbre nou ye. Se lè nou pati, al nan peyi etranje, lide peyi vin gen sans Ayiti nan tèt tout moun.
Continue reading “Peyi m lwen, okazyon m chè!” »
Gen de nouvèl (osnon zen) on moun tande ki fè ou reflechi anpil. (Nou gen on gwo chans: frè ak sè nou yo gendwa sere ou moso manje, men yo pa p sere ou moso pawòl. Kidonk, se pa okazyon pou on moun reflechi ki manke.) Lòtrejou, etan m chita nan klinik kay doktè ap tann tou pa m, gen on madanm ki vin antre epi li koumanse ap pale: “Bagay sa a rive twò lwen atò. Pou moun yo tonbe ap kidnape atò machann kann kale! Ki kote pou fanmi malere a jwenn lajan pou yo al tire l. Mwen menm, m pale fanmi m yo dèyè a, si you ladan yo ta kite yo kidnape l, li tou chire, paske m pa p gen lajan pou m voye tire l, m pa p gen senk ti wòch, alewè pou m ta jwenn konbyen mil dola …” Continue reading “Soti Nan Kaptè Tonbe Nan Kidnapè” »
Akòz on tous pongongon ki te mete m kouche semenn pase a, m pa t gen chans pou m te suiv okenn nouvèl Ayiti menm. Lè m vin resi pran lari nan dimanch pou m fè on virewon, m santi m on jan etranj, konmsi m te gentan dekonnekte ak nouvèl yo…
Gen on sitwayen ki di: “CPP a 2 a zewo sou Prezidan an: apre Erik Pyè, yo pran Ti Bòb tou!” Nan kè m, m di: Nou mele! On de zyèm reponn: “Ti Rene pa bay Continue reading “Ou Kwè Yo Konn Lajan?” »
Recent Comments