Lide toujou ap rele lòt. Yo fè l nan fason pa yo—pa tankou timoun ki pike tèt yo atè ap gade pa dèyè nan fant de janm kanbral, epi manman yo kouri dèyè yo, di yo se byen yo twò byen ki fè yo kapab ap rele lòt la. Lè on lide ap dewoule nan tèt ou, se on plezi pou ou ap rennen on seri lòt li de ki mache avèk li, k ap di ou ‘Pran m! Pran m!’ Lè lide rele lòt, se on gwo benediksyon pou on moun k ap reflechi, men fò ou gen disiplin pou ou pa kite wout ou…
Lè m t ap travay sou ‘Tout moun se moun…’ semenn pase a, anpil lide t ap pase nan tèt mwen Continue reading “M pa kanmarad ou!” »
M pa chonje ki kote m tande pawòl la—m vle di sou kilès nan diferan radyo ayisyen m abitye tande sou entènèt la, osnon anba ki bouch m pran l bò isit la. ‘Bonjou Entèl pa laverite’, se on pawòl m konnen lontan—m pa menm ka chonje depi ki lè m konnen l: kidonk m te toujou konnen l. Se on pawòl ki klè pou mwen, ki pa gen ni de ni twa sans nan tèt mwen: on sèl la: moun sa a se on moun pa gen okenn pawòl ki sot nan bouch li ki laverite. Li bay manti pou dan ri. Bay manti se metye l. Li malad. Kidonk se tè ki pou geri l—ak maladi bay manti a! Continue reading “Bonjou ‘Entèl’ pa Laverite!” »
M konn tande reklam sou radyo ann Ayiti pou on pwodui yo rele Idòl. Nan youn nan reklam yo, on dam di:
Idòl fè m bèl, li fè m klè. Bref, li fè m pwòp.
Nan yon lòt reklam, gen on nèg ki di:
Si m di chanpou, savon, benduil, krèm Idòl, se bagay ki sot ann Ewòp, donk yo pa ka pa bon. Èske se djòlè?
Gen de kwa pou nou reflechi.
- Nou ka wè ‘fè m klè’ tankou on pawòl ki vin kore ‘fè m bèl Continue reading “Reklam Idòl” »
Akòz on tous pongongon ki te mete m kouche semenn pase a, m pa t gen chans pou m te suiv okenn nouvèl Ayiti menm. Lè m vin resi pran lari nan dimanch pou m fè on virewon, m santi m on jan etranj, konmsi m te gentan dekonnekte ak nouvèl yo…
Gen on sitwayen ki di: “CPP a 2 a zewo sou Prezidan an: apre Erik Pyè, yo pran Ti Bòb tou!” Nan kè m, m di: Nou mele! On de zyèm reponn: “Ti Rene pa bay Continue reading “Ou Kwè Yo Konn Lajan?” »
Linguistic & Cultural Pearls
Here, you will find Linguistic and Cultural Pearls…
Bèl pèl m rekòlte pou nou…
Weekly posting of commentaries on linguistic and cultural ‘pearls’ collected from different sources: the streets, the schools, the bodegas, the Haitian radios broadcasting on the internet, etc. The focus being on the ‘instrumentalization’ of the language.
Gen tande. Gen koute. Ou ka tande san ou pa ap koute. Men si n vle pran bon son, fò nou mete zòrèy nou an twonpèt pou nou koute byen. Se on aktivite m eseye fè souvan. Kòm rezilta, sa pèmèt mwen rekòlte kèk bèl ti pèl, bèl ti bijou pawoli pou m pataje avèk nou.
Please, drop us a line if you find any dead links, mistakes, mispelled words, etc. If you like this blog as a whole, or just this article, kindly share it with your friends, would you?
Blog post by Roro and Tatán
Please, don’t forget to visit Lakay Graphics where you can browse through our Haiti-inspired Designs and Products.
Recent Comments